CLVII.

1336, Juni 24.

Petrus Santko schenkt dem Kloster seinen Wald Nidek und erhält dafür das Dorf Schlottendorf vom Abte Dietrich auf Lebenszeit angewiesen.

In nomine domini amen. Omni calumpnie ianua precluditur, cum id, quod geritur literis ac testibus roboratur. Hinc nos Otto dictus de Glubotz, Rudigerus et Heinricus dicti de Huge­vitz omnibus hanc literam intuentibus profitemur, quod strennus vir Petrus Santko amicus et sororius noster cum bona deliberatione ac nostro consilio silvam suam dictam Nidek in suis antiquis greniciis limitatam cum omnibus utilitatibus suis hereditario iure in perpetuum possidendam intuitu pietatis et elemosine contulit, dedit tradidit ac donavit monasterio in Camencz et deo famulantibus in ibidem, reservato sibi usu fructuario de dicta silva provenire valente ad tempora solummodo irte sue. Preterea religiosus vir, dominus Teodericus abbas monasterii memorati propter preclara et multimoda servicia, que dictus Petrus monasterio fecit et adhuc in posterum exhibere promittit, villam suam dictam Slaboten­dorf cum suis utilitatibus, quibuscunque, nunc et in futurum inde provenientibus, predicto Petro ad vitam suam concessit; ita quod post obitum suum heredes ac sui posteri qualescunque nullum ius penitos habeant in dicta villa Slabotonis nec non in dicta silva videlicet Nidek, sed ipsa utraque libere ac absolute ad proprietatem dicti monasterii reverteretur. In cuius rei testimonium et eviden­ciam pleniorem dicti domini . . abbatis et sui conventus necnon et nostrorum quatuor predictorum sigilla presentibus sunt appensa. Datum VIII°. Kal. Julii anno domini M°. CCC°. XXX°. VI°.

Org. Perg. An Pergamentstreifen das leidlich erhaltene S. des Abtes Dietrich (Abt unter einem von vier Strebepfeilern getragenen Portale; Umschrift: S. FRIS . THEODRICI, ABBATIS . DE . KAMENZ.), das wohlerhaltene, vorstehend abgebildete S. des Convents, dessen Typar bis über d. J. 1500 allein geführt wurde und die mehr oder weniger erhaltenen S. des Rüdiger von Haugwitz, des Petrus Santko und des Otto v. Glaubitz. - In dorso: littera de silva Neydek, von gleichzeitiger Hand.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.